اتمنى اشوفك ونگعد سويه
سكينة جبر
اريد ابجي وانوحن ياريتهن يكابلني
انا اللي داستني دنياك واخذتني مكابل
يمر بيه الوكت ابچي على شوفك
حسبالي الوكت دايم و اشوفك
ماادري الزمن غدار يخليني احلم حلم واشوفك
عمت عين الوكت لحظة مامهلنه
اخذ العزاز منا واهلنه
خلانه نتوسل بيه ورفع خشمه علينه واهلنه
ابچي دم ياعيني محد يعينچ
بطران كلمن كال هو الموت شني يعنيلج
اكلهم اللي راح وحدة يبجيني
من يون وينوح اشمحله نعيه من ينعيلج
ياريت الوكت بيدي واردة
لوجان الموت عداد ولله لارده
وارد امي واختي إليه
كلساع يمر طيفك واذكرك
وأكره الايام اللي جنت ناسيك بيها وادگرك
واتمنى اشوف ونگعد سويه
